Provider Description	Muaj qhia xws li:	Qib		Hu rau	Xovtooj	Ib Tug Xib Fwb Qhia Ntawv Rau Pes Tsawg Tus Me Nyuam	Qhov chaw pab qhia ntawv
A+ Tutoring Service, Ltd.	Nyeem ntawv thiab  leb	K-12		Bonnie Vander Vegte	651-738-0149	1 toj 1	Tim me nyuam kawm ntawv tsev los sis tsev qiv ntawv los sis hauv qhov chaw zej tsoom tuaj nrhiav kev pab
Tus Qauv Qhia Ntawv Service Delivery Model: pab qhia leb thiab/los sis nyeem ntawv rau cov tub ntxhais kawm ntawv tim lawv vaj lawv tsev.  Koj tus me nyuam yuav raug xeem tas mas mam tso ib tug xib fwb tuaj pab qhia ntawv rau nws thiab mam li npaj ib txoj kev kawm los pab kom nws kawm tau zoo raws li nws muaj peev xwm rau fab nyeem ntawv thiab/los sis ua leb. A+ Tutoring Service yog ib khoos kas pab uas muaj lub siab hlub txog cov tub ntxhais kawm ntawv, muaj cov xib fwb txawj qhia ntawv thiab cov sij hawm kawm ntawv uas yooj yim rau koj tus me nyuam kom nws muaj kev zoo siab thiab rau siab ntso kawm ntawv.
ATS Project Success	Leb, Nyeem Ntawv/Nyeem, Sau, Mloog thiab Hais Lus	K-8		Renee Weaver-Wright	800-297-2119	1 toj 1	Tim me nyuam kawm ntawv tsev thiab hauv internet
Tus Qauv Qhia Ntawv Service Delivery Model: kawm hauv internet Cov tub ntxhais kawm ntawv yuav tsum muaj xov tooj hauv tsev mas thiaj yuav siv tau cov computers los txais txoj kev pab no.  Ncua kawm ntawv: ib xyoos muaj kwv yees li ntawm 38 ncua kev kawm, ib ncua twg yog ib xooj moo. ATS Project Success muaj kev pab qhia nyeem ntawv thiab ua leb rau cov tub ntxhais kawm qib K txog 8. Peb muaj kev pab nyob rau hauv internet nrog rau cov computers uas cov tub ntxhais yuav siv tau nkag mus siv txoj kev pab no. Kev siv internet rau txoj kev pab no yog dawb xwb, cov niam cov txiv tsis tau them nyiaj. Cov tub ntxhais kawm ntawv yuav txais txoj kev kawm no nyob rau tom vaj tom tsev thiab lawv tsev neeg yog tus yuav xaiv lub sij hawm rau lawv kawm.
Brilliance Academy	eb, Ntawv Askiv	1-12		Jowhar Soultanali	847-972-2925	1 toj 8	Tim me nyuam tsev kawm ntawv
Tus Qauv Qhia Ntawv Service Delivery Model: Qhia tim ntsej tim muag Cov tub ntxhais kawm ntawv uas kawm Leb thiab Ntawv Askiv hauv Brilliance Academy mas pom tau hais tias kev kawm ntawv lom zem heev vim hais tias tej ntaub ntawv lawv kawm muaj ntau yam kev sib koom tes thiab peb cov xib fwb los kuj yog cov neeg muaj peev xwm heev. Txhua txhia tus tub ntxhais kawm ntawv yeej tau kev pab raws li qhov uas lawv xav tau thiab qhov uas 1 tug xib fwb qhia ntawv rau 8 tus me nyuam yog ib qho uas yuav pab tau kom txhua tus tub ntxhais kawm tau ntawv zoo.  Tsis tas li ntawd, cov tub ntxhais kawm ntawv hauv Brilliance Academy muaj peev xwm yuav siv tau kev pab los ntawm Homework Help Hotline yog tias lawv muaj lus dab tsi xav nug txog tej ntaub ntawv uas lawv nqa los ua tom vaj tom tsev. Ib lim tiam xav siv hnub twg los tau.  Txhua tus neeg qhia ntawv yeej kawm tawm los thiab muaj ntaub ntawv tso cai qhia ntawv los ntawm National Tutoring Association thiab lawv tej keeb kwm los kuj raug tshawb xyuas tas huv tib si.  Brilliance Academy pab qhia ntawv rau cov tub ntxhais kawm ntawv nyob qib 1 txog 12 tim koj tus me nyuam lub tsev kawm ntawv.  Txoj kev qhia ntawv no yog yuav pab qhia Leb, Ntawv Askiv, Nyeem Ntawv thiab Sau Ntawv.  Ib xyoos kawm ntawv twg, Brilliance Academy yuav pab qhia ntawv rau cov me nyuam li 40 xooj moo.  Xaiv Brilliance Academy thiaj yuav pab tau koj tus me nyuam kawm kom txawj ntse!
Club Z! In-Home Tutoring Services	Nyeem ntawv/Leb	K-12		John Fahey	773-414-3758	1 toj 1, 1 toj 5	Tim tub ntxhais kawm ntawv tsev los sis tim tsev kawm ntawv los sis lwm qhov chaw sab nraud.
Tus Qauv Qhia Ntawv Service Delivery Model: Club Z! yog ib khoos kas pab rau txoj kev kawm uas loj tshaj plaws nyob rau teb chaws no uas muaj cov kev pab xws li qhia ntawv ib toj ib, xib fwb tuaj qhia ntawv tim tsev los sis ib tug xib fwb qhia ntawv rau tej pab pawg me me txog li ntawm 5 tug tub ntxhais kawm ntawv tim tsev kawm ntawv los sis lwm qhov chaw sab nraud. Cov xib fwb qhia ntawv yog cov muaj peev xwm heev uas kawm tawm los thiab tau ntaub ntawv tso cai los qhia ntawv.   Club Z! muaj cov kev pab rau txhua tus tub ntxhais uas kawm nyob rau qib K txog 12, cov muaj kev tsis taus (disabilities) thiab cov uas kawm lus Askiv rau fab nyeem ntawv thiab/los sis ua leb. Cov tub ntxhais kawm ntawv uas tau kev pab kawm tiav los ntawm Club Z! mas yeej kawm tau zoo lawm ib qib yam li nws kawm tas ib xyoos ntawv. Yog li no, kav tsij coj koj tus me nyuam mus koom Club Z! hnub no, thiaj yuav pab tau nws txoj kev kawm kom vam meej!
College Nannies & Tutors – St. Paul	Nyeem Ntawv, Sau Ntawv, Ua Leb	K-12		Peter Coffin	651-209-3095	1 toj 1	Tim tsev los sis hauv tsev kawm ntawv
Tus Qauv Qhia Ntawv Service Delivery Model: College Nannies & Tutors muaj qhia ntawv rau cov me nyuam ib toj ib thiab muaj kev pab rau fab kev kawm ntawv los ntawm cov xib fwb muaj peev xwm uas kawm tawm los thiab muaj ntaub ntawv tso cai los qhia ntawv rau txhua hom tub ntxhais kawm ntawv uas kawm nyob rau txhua theem. Peb cov kws cob qhia thiab cov xib fwb qhia ntawv yeej muaj peev xwm thiab npaj los pab cov tub ntxhais kawm ntawv kom lawv muaj kev ruaj siab thiab muaj peev xwm thiaj kawm tau ntawv vam meej hauv tsev kawm ntawv thiab rau txoj kev ua neej.  Peb cov neeg ua dej num txawj hais ntau hom lus thiab paub ntau hom kab ke ntawm ntau haiv neeg. Lawv muaj peev xwm yuav pab tau txhua txhia tus tub ntxhais kawm ntawv tsis hais cov tub ntxhais txoj kev loj hlob, kev kawm, thiab kev nyeem ntawv, sau ntawv, thiab ua lej. Peb cov neeg ua dej num yuav siv ntau yam qauv txuj thiab kev pab hauv internet los mus txhawb cov me nyuam txoj kev kawm.
East Side Learning Center	Reading / Language Arts	K-4		Audrey Lindenfelser	651-793-7331	Ib toj ib	Johnson Elementary, Bruce Vento Elementary, Trinity Catholic
Tus Qauv Qhia Ntawv Service Delivery Model: East Side Learning Center yog ib qho chaw muaj kev pab cuam rau cov me nyuam qib K txog 4 uas nyeem ntawv keej tsis txog lawv qib thiab nyob rau sab hnub tuaj (East Side) hauv Xees Phos los sis cov uas mus kawm ntawv rau sab tid. Txoj kev pab no yog pab qhia cov me nyuam nyeem ntawv ib toj ib. Tus khoos kas no tsis muaj dab tsi ntsig txog txoj kev ntseeg ntuj los puas ib pab pawg twg thiab muaj kev pab cuam pub rau cov me nyuam ib xyoos puag ncig.  Txoj kev pab yuav muaj tom qab lawb ntawv. Cov chaw pab qhia ntawv muaj xws li John A. Johnson Achievement Plus Elementary, Bruce F. Vento Elementary thiab Trinity Catholic School. Cov niam cov txiv yuav tsum nrhiav neeg thauj lawv tus me nyuam. Peb muaj peev xwm pab tau cov me nyuam uas sam sim kawm lus Askiv (ELL) thiab cov LD, tab sis thov hais rau cov niam txiv paub hais tias peb tsis tau txais kev cob qhia rau fab qhia ntawv rau cov me nyuam kawm ntawv tshwj xeeb. Lub hom phiaj ntawm tus khoos kas no yog (1) pab cov me nyuam uas nyeem ntawv keej tsis txog lawv qib kom caum cuag lawv qib thaum kawm tas qib plaub, thiab (2) pab kom lawv muaj peev xwm peem tsheej hauv tsev kawm ntawv thiab lub neej nyob koom txoos.
Friendship Community Services-Eager to Learn Program	Nyeem Ntawv/Leb	K-12		Barbara Washington	612-827-7928	qhia1 toj 1, 1 toj 2, 1 toj 3	tim me nyuam tsev, tsev kawm ntawv, tsev teev ntuj, lub chaw zej tsoom tuaj nrhiav kev pab (community center) thiab cov tsev qiv ntawv
Tus Qauv Qhia Ntawv Service Delivery Model:  Khoos kas Friendship Community Services-Eager to Learn (FCS-E2L) txoj kev pab yog muab cov me nyuam kawm qib K txog 12 coj los ua khub kawm ntawm cov xib fwb uas twb qhia ntawv ntev los lawm thiab cov tshiab, cov tub ntxhais kawm qib siab, thiab cov neeg hauv zos. Kev qhia ntawv, yuav qhia cov me nyuam yaus thiab cov hluas ib tug zuj zus thiab qhia ua tej pab tej pawg me me (2 rau 3 tug tub ntxhais) rau fab nyeem ntawv thiab ua leb. E2L lub hom phiaj yog pab txhawb kom cov me nyuam kawm tau ntawv zoo nyob rau hauv chav kawm ntawv thiab pab kom koj tus me nyuam mus twv dhau Minnesota tus xeem MCAII. Peb muaj tej ntaub ntawv qhia txog kab ke haiv neeg nrog rau lub sij hawm uas yooj yim rau koj tuaj nrhiav kev pab. Peb thiaj muab cov kev pab no tso rau hauv tej chaw hauv zej hauv zos.  Txhua txhia lim tiam twg E2L yuav muaj pab qhia ntawv ob zaug tim koj tus me nyuam lub tsev kawm ntawv, tim tsev, chaw teev ntuj, qhov chaw zej tsoom tuaj nrhiav kev pab los sis tim ib lub tsev qiv ntawv uas nyob ze koj tsev. Cov kws pab qhia ntawv yeej kawm tawm los thiab npaj txhij los mus txhawb tej tswv yim uas niaj hnub siv hauv koj tus me nyuam chav kawm ntawv txhua txhia hnub.  E2L yuav xeem cov me nyuam ua ntej thiab tom qab yuav pab qhia ntawv rau lawv thiab yuav siv txoj kev kawm npaj raws tus me nyuam, muab qhab nia rau cov me nyuam txhua hli, hu xov tooj nrog me nyuam tsev neeg tham, thiab ua ib lub rooj txhawb siab rau cov me nyuam thiab lawv tsev neeg kom cov me nyuam muaj siab kawm tau ntawv zoo.
Launch Lives, Inc.	Leb, Science (kev kawm txog txhua yam xwm txheej nyob ntiaj teb), Technology (kev siv cuab yeej vam meej), Engineering (kawm siv txuj ci ua qauv rau tsev, tsheb, choj, kev, los sis lwm yam)		4-8	Richard Kimball	952-893-2937	1 toj 15	Mam tshaj tawm sai sai no
Tus Qauv Qhia Ntawv Service Delivery Model: Discover and Inquiry Launch Lives, Inc muaj txoj kev pab tshiab thiab cov kev kawm zoo heev rau cov tub ntxhais kawm ntawv qib 4 txog qib 8.  Raws li kev pab los ntawm SES, peb yuav muab coj los qhia raws pab pawg tub los yog ntxhais xwb, uas yog siv tus qauv cov kws txuj tshawb tau tawm los uas hu ua GEMS (Cov ntxhais kawm siv txuj ci ua qauv rau tsev, tsheb, choj, kev, los sis lwm yam) thiab GISE (Cov tub kawm txog txhua yam xwm txheej nyob ntiaj teb thiab kawm siv txuj ci ua qauv rau tsev, tsheb, choj, kev, los sis lwm yam)
Network for the Development of Children of African Descent (NdCAD)	Nyeem ntawv	K-8		Gevonee Ford / Susan Martin	651-209-3355	1 toj 5	NdCAD 655 N. Fairview St. Saint Paul, MN
Tus Qauv Qhia Ntawv Service Delivery Model: qhia ntawv rau cov me nyuam ua tej pab tej pawg me me thiab ib tug zuj zus Network for the Development of Children of African Descent (NdCAD) muaj cov kev pab qhia Nyeem Ntawv hu ua SANKOFA rau cov tub ntxhais kawm ntawv qib K txog qib 8.  Tus khoos kas no siv tus qauv qhia ntawv thiab kev ntsuam xyuas uas zoo tshaj plaws rau cov me nyuam thiab siv ntau yam cuab yeej los ntawm ntau haiv neeg coj los qhia lawv.  NdCAD cov neeg pab qhia ntawv yog ib cov uas muaj peev xwm heev thiab to taub txog cov tub ntxhais kawm ntawv haiv neeg tej keeb kwm thiab tej kev pab uas lawv xav tau.  Tus khoos kas no yeej muaj ntaub ntawv teev cia coj los qhia txog tej uas lawv ua tau zoo thiab txoj kev pab no yeej pab tau tej tub ntxhais txawj nyeem ntawv, to taub tej lawv nyeem thiab nce theem zuj zus. Peb lub hom phiaj yog pab kom cov me nyuam txawj nyeem ntawv thiab kom lawv nyiam nyeem ntawv.
Project SPIRIT (Saint Paul Area Council of Churches)	Leb	K-6		Rev. Dr. Darcel Hill	651-592-4128	qhia 1 toj 1 thiab qhia ua tej pab tej pawg me me	Jackson Elementary, Trinity Catholic School, Camphor Memorial United Methodist Church, St. Paul Reformation Lutheran Church
Tus Qauv Qhia Ntawv Service Delivery Model: pab qhia cov me nyuam ua lawv tej ntaub ntawv uas nqa los ua tom vaj tom tsev, pab qhia ntawv rau lawv ib toj ib thiab los koom ua tej pab pawg me me sib tham.  Cov xib fwb qhia ntawv yog peb cov neeg ua dej num thiab cov neeg uas tuaj pab dawb. Project SPIRIT muaj txoj kev pab uas qhia leb zoo heev rau cov me nyuam raws nraim li cov leb Everyday Math uas siv nyob rau hauv Tseem Fwv Tsev Kawm Ntawv Nroog Xees Phos. Peb yeej muaj kev koom tes nrog cov xib fwb thiab cov niam txiv los mus txheeb xyuas seb txhua txhia tus tub ntxhais kawm ntawv txawj txog theem twg, ces mam li tsom ntsees pab lawv raws nraim li qhov uas lawv xav tau. Tej kev qhia leb yog ib feem ntawm tus khoos kas pab uas tsom ntsees kawm txog haiv neeg African. Cov neeg qhia ntawv yog cov xib fwb thiab cov neeg tuaj pab dawb uas muaj peev xwm thiab yuav pab txhawb kom cov tub ntxhais kawm tau ntawv zoo thiab ruaj siab rau lawv tus kheej (uas xam tag nrho kev txaus siab rau yus haiv neeg thiab kab lis kev cai huv tib si).
RAMP-UP! 917	Nyeem Ntawv /Leb	K-8		Jennifer Hetland	651-423-8503	1 toj 3	Nyob rau tej lub tsev kawm ntawv uas koom tes
Tus Qauv Qhia Ntawv Service Delivery Model: Ib tug xib fwb qhia ntawv rau tej pab tej pawg me me, tsis tshaj li ntawm peb tug tub ntxhais kawm ntawv RAMP (kev pab rau fab nyeem ntawv thiab ua leb) UP! Muab txoj kev pab cuam rau cov tub ntxhais kawm ntawv los ntawm kev siv tus qauv uas kws txuj tshawb tau tawm los coj los ntsuam xyuas cov tub ntxhais kawm ntawv ib tug zuj zus thiab txhawb kom lawv muaj lub laj lim tswv yim kawm tau zoo tshaj qub Cov xib fwb muaj peev xwm yuav hloov lawv txoj kev qhia ntawv kom haum raws txhua tus tub ntxhais kawm ntawv raws li qhov uas lawv xav tau.  Cov tub ntxhais kawm ntawv (qib K txog 8) yuav tau txais txoj kev pab no nyob rau hauv lawv lub tsev kawm ntawv. Ncua kev kawm no tag nrho yog 32 xooj moo. Kev teeb txheeb ntawm ncua kev kawm no tej zaum yuav yog ib lim tiam ob zaug, ib zaug ob xooj moo mus kom txog yim lub lim tiam. Txoj kev pab no muaj nyob rau hauv cov tsev kawm ntawv uas koom tes. Kev qhia ntawv yuav pib kiag tom qab lawb ncua ntawv uas cov tub ntxhais niaj hnub kawm. Ib tug xib fwb yuav qhia ntawv rau tej pab tej pawg tub ntxhais uas tsis tshaj li ntawm peb leeg. Tsis muaj tsheb npav thauj.
The Salvation Army- Eastside After School Program	Nyeem/ Leb	K-8		Antwan Flowers	651-776-8169	qhia 1 toj 1 los sis qhia ua tej pab tej pawg me me xws li 1 toj 3	Salvation Army’s Eastside Community Center
Tus Qauv Qhia Ntawv Service Delivery Model: Qhov chaw pab Salvation Army muaj pab qhia ntawv rau cov me nyuam kawm qib K txog 8. Kev qhia ntawv no muaj qhia ib tug me nyuam zuj zus thiab qhia ua tej pab tej pawg me me. Muaj pab qhia nyeem ntawv thiab ua leb, thiab muaj qhia rau lwm fab kev kawm raws li yam uas tus me nyuam xav tau. Kev pab qhia ntawv rau ib tug me nyuam zuj zus yog qhia 1 toj 1; kev qhia ua tej pab tej pawg me me yog qhia 1 toj 3 (ib tug xib fwb qhia ntawv rau peb tug me nyuam). Cov kev pab no muaj nyob rau tim lub Salvation Army’s Eastside Community Center ntawm 1019 Payne Ave, St. Paul, MN  55130.  Kev pab qhia ntawv muaj thaum 4:00 teev txog 8:00 teev tsaus ntuj, ib lim tiam twg muaj ob zaug uas yog nyob nruab nrab ntawm hnub Monday thiab Thursday.
Somali Education Center	Nyeem Ntawv/Leb	K-12		Fatumo Said	651-225-8553	1 toj 8 thiab 1 toj 1	430 Dale St. Saint Paul, MN 55103
Tus Qauv Qhia Ntawv Service Delivery Model: pab qhia ntawv rau cov me nyuam ib toj ib thiab qhia ua tej pab tej pawg me me Peb muaj tej khoom los sis ntaub ntawv kawm txog kab ke Somali thiab Oromo.  Yuav muaj tsheb npav thauj ntawm tsev kawm ntawv mus rau tim qhov chaw pab qhia ntawv thiab thauj los tsev.
TutorCo	Leb	3-12		Sumit Dhawan	952-960-2799	1toj 1	Tim tsev, tsev kawm ntawv (ua ntej kawm ntawv thiab tom qab lawb ntawv)
Tus Qauv Qhia Ntawv Service Delivery Model: Online TutorCO muaj pab qhia Leb 1 toj 1 rau cov tub ntxhais kawm ntawv qib 3 txog 12. Txoj kev pab no muaj tus xib fwb tuaj qhia kiag thiab kawm hauv internet tim tsev, los sis tim tsev kawm ntawv (ua ntej kawm ntawv thiab tom qab lawb ntawv). Peb tus khoos kas no muaj peev xwm cia koj kawm kom ceev los qeeb li koj muaj peev xwm kawm tau thiab yuav pab kom koj kawm tau zoo tshaj. Thaum koj lees ua raws tus cai tswj kev siv computer thiab internet lawd, TutorCo yuav muab ib lub computer rau koj siv tim tsev thiab yuav tauj internet rau koj siv kawm ntawv. Yog me nyuam kawm tiav thiab tau zoo, lub computer yuav yog nws lub mus li.  Peb cov kws pab qhia ntawv yog ib co neeg muaj peev xwm heev, thiab lawv yuav rau siab ntso pab kom cov tub ntxhais peem tsheej rau txoj kev kawm. Txhua ob lim tiam twg, peb yuav xa ib daim ntawv qhia txog me nyuam txoj kev kawm mus rau cov niam txiv thiab cov xib fwb tom tsev kawm ntawv.  Tsaib no, 74 feem pua ntawm cov tub ntxhais uas tau txais kev pab cuam los ntawm peb tus khoos kas pom tau hais tias ib hlis xwb lawv yeej kawm tau zoo tshaj qub li ntawm ib tug qhab nia (one letter grade). Cov kev pab no, ib lim tiam twg  muaj 7 hnub, thaum 7 teev sawv ntxov mus txog 11 teev tav su (local time). Yog xav paub ntau tshaj qhov nov, thov mus saib rau ntawm http://www.tutorco.com.
YWCA St. Paul Academic Enrichment Program	Nyeem, sau, mloog thiab hais lus/Leb	K-12		Sharla Scullen	651-265-0755	1 toj 3 mus rau 5	YWCA Tutoring Center 375 Selby Ave. Saint Paul, MN 55102
Tus Qauv Qhia Ntawv Service Delivery Model: Pab qhia ntawv rau cov me nyuam ua tej pab tej pawg me me YWCA St. Paul Tutoring Program muaj pab qhia ntawv rau cov me nyuam kawm ntawv qib K txog 12 hauv Tseem Fwv Tsev Kawm Ntawv Nroog Xees Phos. Cov xib fwb yuav pab qhia ntawv rau ib tug me nyuam zuj zus. Txoj kev pab no, yog yuav pab qhia nyeem ntawv, sau, mloog thiab hais lus, thiab ua leb.  Peb muaj tsheb npav thauj cov me nyuam ntawm qee lub tsev kawm ntawv mus rau tim qhov chaw pab qhia ntawv YWCA.  Cov me nyuam yuav txais kev pab los ntawm cov kws ntawv thiab cov xib fwb kawm tawm los uas muaj ntaub ntawv tso cai los qhia ntawv. Cov xib fwb no yog ib co muaj peev xwm heev rau yam lawv qhia thiab yeej pom hais tias lawv muaj lub siab hlub thiab mob siab xav pab cov me nyuam tiag tiag.